अवैध इजरायली बस्तीको जमिन बिक्री विरुद्ध लन्डनमा विशाल प्रदर्शन

इजरायल द्बारा कब्जा गरिएको वेस्ट बैंक (West Bank) मा निर्मित अवैध इजरायली बस्तीका जमिन र घरहरू बिक्री गर्ने कुराकाे बिराेधमा बेलायतको राजधानी लन्डनमा आयोजित एक कार्यक्रमको विरोधमा सयौँ प्रो-प्यालेस्टाइनी (प्यालेस्टाइन समर्थक) प्रदर्शनकारीहरू सडकमा उत्रिएका छन्।

आइतबार आयोजित "ग्रेट इजरायली रियल इस्टेट इभेन्ट" (Great Israeli Real Estate Event) का विरुद्ध प्रदर्शन गर्दै प्रदर्शनकारीहरूले "प्यालेस्टाइनको चोरी भएको भूमि अवैध रूपमा बिक्री गर्न बन्द गर" र "तिमीले चोरी गर्नु हुँदैन" जस्ता नारा लेखिएका प्लेकार्डहरू बोकेका थिए।

जमिन बिक्री मेलाको विरोध भइरहँदा इजरायल समर्थकहरूले पनि काउन्टर-प्रदर्शन (विपक्षी प्रदर्शन) गरेका थिए, जसका कारण त्यहाँको वातावरण निकै तनावग्रस्त बनेको थियो। केही इजरायल समर्थकहरूले "प्यालेस्टाइनको अस्तित्व नै छैन" भन्दै नाराबाजी समेत गरेका थिए।

स्थिति नियन्त्रणमा लिन ठूलो सङ्ख्यामा प्रहरी परिचालन गरिएको थियो। लन्डनको नगर प्रहरीका अनुसार सार्वजनिक शान्ति भङ्ग गरेको लगायतका विभिन्न आरोपमा प्रदर्शन स्थलबाट १५ जनालाई पक्राउ गरिएको छ।

अन्तर्राष्ट्रिय कानुनको उल्लङ्घन

प्यालेस्टाइनी युथ मुभमेन्टका एक आयोजक जेनिन होउरानीले अल जजीरासँग कुरा गर्दै भनिन्, "लन्डनमा बसोबास गर्ने प्यालेस्टाइनीका रूपमा हामी हाम्रो मातृभूमिको  बिक्री गर्ने कार्यलाई ठाडो अस्वीकार गर्छौँ। यो कार्य अन्तर्राष्ट्रिय कानुन विपरित छ।"

 अन्तर्राष्ट्रिय कानुन अनुसार कब्जा गरिएको प्यालेस्टाइनी क्षेत्रमा इजरायलले बनाएका बस्तीहरू अवैध मानिन्छन्। सन् २०२४ मा अन्तर्राष्ट्रिय अदालत (ICJ) ले पनि इजरायलको यो कब्जा गैरकानुनी भएको र यसलाई अन्त्य गरिनुपर्ने फैसला सुनाएको थियो।

बेलायती सांसदहरूको असन्तुष्टि

'माई होम इन इजरायल' नामक रियल इस्टेट एजेन्सीले आयोजना गरेको यस कार्यक्रमलाई रोक्न बेलायतका मानवअधिकारवादी र राजनीतिज्ञहरूले सरकारलाई दबाब दिएका थिए। बेलायतका प्रधानमन्त्री कीर स्टारमरको लेबर पार्टीका सदस्यहरू सहित झन्डै १०० जना बेलायती सांसदहरूले शुक्रबार सरकारलाई एक पत्र लेख्दै यो गैरकानुनी गतिविधि प्रवर्द्धन गर्ने कार्यक्रम रोक्न माग गरेका थिए।

प्यालेस्टाइनी मूलकी पहिलो बेलायती सांसद लेला मोरनले यस जमिन बिक्रीलाई "अस्वीकार्य" भन्दै कडा टिप्पणी गरेकी छन्। उनले भनिन्, "यो कार्यक्रम हुनु नै बेलायती जनता र अन्तर्राष्ट्रिय कानुनको उपहास हो। नगर प्रहरीले यसलाई रोक्नुपर्थ्यो। यदि यस्ता कारोबार रोक्ने कानुन छैन भने बेलायती भूमिमा यस्ता गतिविधि रोक्न हामीले छिट्टै नयाँ कानुन बनाउनुपर्छ।"

(श्राेतः अल जजिरा )

अन्तर्राष्ट्रिय कानुन विपरित यसरी बेलायती भूमिमा कब्जा गरिएको जमिनको खरिदबिक्री हुनु कत्तिको न्यायसङ्गत हो? तल कमेन्ट बक्समा आफ्नो विचार साझा गर्नुहोला।

Comments

Post a Comment

Popular posts from this blog

Image
     नव-लोकरिझ्याइँको भुमरीमा राष्ट्रियता: भ्रमको तुँवालो र यथार्थको कडी – प्रकाश श्रेष्ठ पढ्ने समय: करिब ५ मिनेट नेपाली राजनीतिको आकाशमा यतिबेला एउटा गज्जबको विरोधाभासकाे बादल मडारिएको छ। सडक र सामाजिक सञ्जालका 'ट्रेन्डिङ' बहसहरू हेर्ने हो भने लाग्छ— मुलुकमा सात दशक लामो बलिदानपूर्ण संघर्षबाट प्राप्त उपलब्धिका संवाहकहरू रातारात अप्रासंगिक र 'अपराधी' भइसके, अनि भर्खरै डिजिटल स्पेसबाट ओर्लिएका नयाँ पात्रहरू जादु मयी ढङ्गले अचूक र 'पवित्र' साबित भइसके। पुराना जति सबै खत्तम र नयाँ जति सबै उत्तम भन्ने यो 'लक्ष्मण रेखा' जति आकर्षक छ, वस्तुगत यथार्थ उत्तिकै जटिल र निर्मम छ। इतिहास, भूगोल र राष्ट्रिय सार्वभौमिकता जस्ता संवेदनशील विषयहरू जब पपुलिजम (लोकरिझ्याइँ) र सामाजिक सञ्जालका 'अल्गोरिदम' बाट निर्देशित हुन थाल्छन्, तब मुलुक रूपान्तरणको दिशामा होइन, एक अज्ञात र जोखिमपूर्ण सुरुङतर्फ धकेलिन्छ। आत्मसमीक्षा र भूराजनीतिक विश्लेषणले नेपाली समाजको यही बदलिँदो र डरलाग्दो मनोविज्ञानलाई उजागर गरेको छ। यसै सन्दर्भमा आजको बौद्धिक बहसका केही मुख्य आयामहरूमाथि य...
Read more

विश्वकप २०२६: नेदरल्यान्ड्स र जापानबीच महाभिडन्त, कसले मार्ला बाजी?

Image
काठमाडौँ — फिफा विश्वकप २०२६ अन्तर्गत आज आइतबार समूह ‘एफ’ को सर्वाधिक प्रतिक्षित खेलमा दुई धुरन्धर टोलीहरू आमनेसामने हुँदैछन्। युरोपेली पावरहाउस नेदरल्यान्ड्स र फुटबलकाे एसियाली बाघ  जापान बीचको यो रोमाञ्चक भिडन्त नेपाली समयअनुसार बिहान पौने २ बजे सुरु हुनेछ। अमेरिकाको टेक्ससस्थित ९४ हजार दर्शक क्षमताको भव्य 'एटी एन्ड टी स्टेडियम' मा हुने यस खेलमा दुवै टोली स्पष्ट ३ अङ्क जोड्ने लक्ष्यका साथ मैदान उत्रनेछन्। फिफा वरीयतामा नेदरल्यान्ड्स आठौँ र जापान १८औँ स्थानमा रहेका छन्। चोटको संकट: स्टार खेलाडीहरू टोलीबाहिर खेल रोमाञ्चक हुने अनुमान गरिए पनि दुवै टोली यतिबेला प्रमुख खेलाडीहरूको चोटका कारण दबाबमा छन्: नेदरल्यान्ड्स (डच टोली): डिफेन्डर जुरिन टिम्बर, मिडफिल्डर जाभी सिमोन्स र जर्डी स्काउटन चोटका कारण बाहिरिएका छन्। यद्यपि, कप्तान भर्जिल भान डाइकको नेतृत्वमा रहने टोलीमा फ्रेन्की डी जोङ र कोडी गाक्पो जस्ता स्टारहरू उपलब्ध छन्। जापान (सामुराई ब्लु): स्टार विङ्गर काओरु मितोमा, ताकुमी मिनामिनो र कप्तान वातारु एन्डो आज मैदानमा हुने छैनन्। एन्डोको अनुपस्थितिमा को इताकुराले कप्तानी सम...
Read more

फिफा विश्वकप २०२६: घरेलु मैदानमा अमेरिका 'हाबी', पराग्वेमाथि ४–१ को ऐतिहासिक र फराकिलो जित ।

Image
 नयाँ खुलासा, खेल डेस्क। फिफा विश्वकप २०२६ को महाकुम्भ अन्तर्गत लस एन्जलस स्टेडियममा खेलिएको समूह 'डी' को बहुप्रतीक्षित खेलमा सह–आयोजक संयुक्त राज्य अमेरिका (USA) ले सानदार सुरुवात गरेको छ। शनिबार भएको रोमाञ्चक प्रतिस्पर्धामा अमेरिकाले उत्कृष्ट आक्रामक फुटबलको नमुना प्रस्तुत गर्दै पराग्वेमाथि ४–१ को प्रभावशाली र फराकिलो जित दर्ता गरेको हो। सुरुवाती मिनेटदेखि नै पराग्वेको रक्षापङ्क्ति (Defense) माथि शृङ्खलाबद्ध आक्रमण बुनेको अमेरिकाले खेलको सातौँ मिनेटमै अग्रता लिएको थियो। अमेरिकाले सिर्जना गरेको चर्को दबाबका कारण पराग्वेका डिफेन्डर डामिन बोबाडिला ले बललाई आफ्नै पोस्टको दिशा दिएपछि अमेरिकाले आत्मघाती गोल (Own Goal) बाट उपहार स्वरूप पहिलो अग्रता पायो। त्यसपछि झन् आक्रामक बनेको अमेरिकी टोलीले पहिलो हाफमै थप दुई गोल गर्दै खेललाई पूर्ण रूपमा आफ्नो पकडमा राख्यो। पहिलो हाफमै ३–० को बलियो अग्रता बनाएपछि पराग्वे खेलमा फर्कने सम्भावना निकै न्यून बनेको थियो। अमेरिकाको यो ऐतिहासिक जितमा युवा फरवार्ड फ्लोरिन बालोगन (Folarin Balogun) नायक बने। उनले पराग्वेको रक्षापङ्क्तिलाई छिन्नभिन्न पार्द...
Read more