नव-लोकरिझ्याइँको भुमरीमा राष्ट्रियता: भ्रमको तुँवालो र यथार्थको कडी – प्रकाश श्रेष्ठ पढ्ने समय: करिब ५ मिनेट नेपाली राजनीतिको आकाशमा यतिबेला एउटा गज्जबको विरोधाभासकाे बादल मडारिएको छ। सडक र सामाजिक सञ्जालका 'ट्रेन्डिङ' बहसहरू हेर्ने हो भने लाग्छ— मुलुकमा सात दशक लामो बलिदानपूर्ण संघर्षबाट प्राप्त उपलब्धिका संवाहकहरू रातारात अप्रासंगिक र 'अपराधी' भइसके, अनि भर्खरै डिजिटल स्पेसबाट ओर्लिएका नयाँ पात्रहरू जादु मयी ढङ्गले अचूक र 'पवित्र' साबित भइसके। पुराना जति सबै खत्तम र नयाँ जति सबै उत्तम भन्ने यो 'लक्ष्मण रेखा' जति आकर्षक छ, वस्तुगत यथार्थ उत्तिकै जटिल र निर्मम छ। इतिहास, भूगोल र राष्ट्रिय सार्वभौमिकता जस्ता संवेदनशील विषयहरू जब पपुलिजम (लोकरिझ्याइँ) र सामाजिक सञ्जालका 'अल्गोरिदम' बाट निर्देशित हुन थाल्छन्, तब मुलुक रूपान्तरणको दिशामा होइन, एक अज्ञात र जोखिमपूर्ण सुरुङतर्फ धकेलिन्छ। आत्मसमीक्षा र भूराजनीतिक विश्लेषणले नेपाली समाजको यही बदलिँदो र डरलाग्दो मनोविज्ञानलाई उजागर गरेको छ। यसै सन्दर्भमा आजको बौद्धिक बहसका केही मुख्य आयामहरूमाथि य...
Comments
Post a Comment